1. Го прочистуваат воздухот
Веројатно, најдобро познатата придобивка и причина зошто мнозинството луѓе ги користат е поради нивната неверојатна моќ да отстрануваат прашина, полен, чад од цигари и други загадувачи од воздухот. Се прашувате: „Но, како го прават ова?” „Тоа е само големо парче сол со светилка внатре, така?“
Па да, но не само тоа, тие се многу повеќе од тоа.
Лампите од хималајска розева сол го прочистуваат воздухот преку моќта на хигроскопија што значи дека тие ги привлекуваат молекулите од околината, потоа ги апсорбираат тие молекули, како и други непознати честички кои можат да ги содржат, во кристалот од сол. Како што лампата од хималајска сол се загрева од топлината од светилката внатре, истата вода испарува во воздухот, а заробените честички од прав, полен, чад итн. остануваат во солта.

2. Ги намалуваат симптомите на алергија и астма
Бидејќи лампите од хималајска сол ги отстрануваат микроскопските честички од прашина, првут од животни, мувла и слично од околниот воздух, ставањето лапма или две во собите каде што го поминувате најголемиот дел од времето може сериозно да ги намали симптомите на алергија. Дури и луѓето кои имаат астма треба да забележат голема разлика по недела или две.

3. Го олеснуваат кашлањето
Кога лампата од хималајска сол се загрева и го започнува својот хигроскопен циклус со воздушните честички, истовремено го менува и полнежот на молекулите кои се ослободени. Поголемиот дел од домовите се исполнети со позитивно наелектризирани јони кои не се особено добри за човековото здравје. Позитивните јони се создаваат од бројни нешта, но прв извор се електронските уреди.
Една од здравствените потешкотии од вдишување голем број позитивни јони од воздухот е тоа што микроскопските влакненца кои се распоредени во дишникот стануваат млитави и не работат добро за да ги задржуваат загадувачите од воздухот. Бидејќи лампите од хималајска сол апсорбираат вода и честички од воздухот, исто така ги земаат и позитивните јони со нив. Потоа, кога загреаната сол ја ослободува прочистената водена пареа назад во воздухот, исто така испушта негативни јони кои го имаат спротивниот ефект врз нашите дишни патишта - ја зголемуваат активноста на влакненцата за да ги одржат чисти белите дробови.
Што значи сето ова накратко: Освен тоа што ги отстрануваат загадувачите од воздухот, лампите од хималајска сол, исто така, му помагаат на вашето тело да го филтрира воздухот поефикасно така што и ако вдишете какви било надворешни честички тие нема да стигнат до белите дробови.

4. Ја зголемуваат енергијата
Возење во природа со отворени прозорци, поминување време на плажа или кампување на планина, или едноставно туширање наутро се нешта кои многу луѓе ги сметаат за закрепнувачки. Не е случајност што сите овие активности кои нè изложуваат на зголемени концентрации на негативни јони имаат слични ефекти како оние кои ги испуштаат лампите од хималајска сол. Факт е дека позитивните јони ја исцрпуваат енергијата од нашите тела. За жал, често се обидуваме да го дијагностицираме проблемот како нешто сосема поразлично.
Ако постојано се чувствувате уморно и не знаете зошто, обидете се да ставите лампа од хималајска сол во собата или собите каде што поминувате најголем дел од времето, по една недела треба да забележите разлика.

5. Го неутрализираат електромагнетното зрачење
Во денешно време, повеќето од нас живеат во метафорички океан од електромагнетно зрачење кој надоаѓа од електронските уреди – телевизија, компјутери, мобилни телефони, таблети итн. Иако е невидливо, долготрајните ефекти од изложеноста на електромагнетно зрачење можат да бидат доста сериозни. Познато е дека постојаната изложеност на електромагнетно зрачење, меѓу другото го зголемува нивото на стрес, предизвикува хроничен умор и го намалува имунолошкиот одговор на телото.
Додека емитираат негативни јони во воздухот, лапите од хималајска сол го неутрализираат електромагнетното зрачење. Ставете една до вашиот компјутер, телевизор или кој било друг електричен уред кој го користите често за да се намали потенцијалната штета за вас и вашето семејство.

6. Подобар сон
Друг негативен ефект од изложеноста на позитивни јони во воздухот е тоа што ве лишува од квалитетен сон. Ова се случува бидејќи тие позитивно наелектризирани честички можат всушност да ја намалат снабденоста на крв и кислород во мозокот што резултира со нередовен сон. Лампите од хималајска сол се природни генератори на негативни јони и оттука можат да помогнат во решавањето на овој проблем.
Ставете една или две во вашата спална соба за да се зголеми квалитетот на воздухот и да имате подобар сон навечер.
Запамтете, дури и ако не можете да спиете освен ако собата не е потполно темна, секогаш може да ја исклучите лампата пред спиење. Само оставете ја да работи во остатокот од денот додека сте будни. Луѓето кои живеат во влажна клима треба да знаат дека лампите од хималајска сол почнуваат да кондензираат влага на нив кога солта се оладува. Заштитете ја површината така што ќе ставите подлога под лампата и придржувајте се до упатствата за користење кои ги добивате со хималајската лампа.

7. Го подобруваат расположението и концентрацијата
Лампите од хималајска сол се одличен начин да го подобрите вашето расположение или да ви помогнат да се релаксирате и опуштите на крајот од денот. Во исто време, лампите од хималајска сол се одлични за подобрување на концентрацијата. Повторно, ова е поради ефектот на негативните јони врз вашето тело, подобрување на снабденоста на крв и кислород во мозокот и другите органи, како и зголемување на серотонинот - невротрансмитер кој прави (буквално) да се чувствуваме среќни.

8. Го лекуваат сезонското афективно нарушување
Освен тоа што генерираат негативни јони кои го подобруваат расположението и енергетските нивоа, нежната природна светлина од хималајската лампа е доволно блиска до топлиот сјај од сончевата светлина што дури може да се користи за подобрување на симптомите од сезонско афективно нарушување. Во периодот од годината кога деновите се скратуваат, изборете се со летаргијата со помош на лампите од хималајска сол.

9. Го намалуваат статичкиот електрицитет во воздухот
Иако на прв поглед не е „здравствена придобивка“, статичкиот електрицитет може да биде незгодна работа. Предизвикува стрес, срам и фрустрација. Тој се јавува кога најмалку го очекувате, кога ја допирате кваката, кога го бакнувате вашиот партнер пред спиење или кога се обидувате да го погалите вашето куче или маче. Статичкиот електрицитет може да предизвика да имате лоша фризура, да оневозоможи да ги исчистите трошките од кафе од работната површина или дури да предизвика не сакајќи да отидете на работа со чорап прилепен на позадината од вашата маица.
Поентата е, статичкиот електрицитет може да биде незгодна работа и лампите од хималајска сол се природен начин да ги неутрализирате јонизираните честички кои го предизвикуваат.

10. Светлински извор кој е еколошки
Последно, но не и најмалку важно: Лампите од хималајска сол се еколошки. Иако е само проценка, резервите каде хималајската розева сол се ископува изнесува меѓу 80 и 600 милиони тони и се проценува дека ќе трае најмалку 350 години со сегашната стапка на ископување. Основата на лампите од хималајска сол се длаби од одржливо дрво. Хималајските лампи користат светилки со ниска моќност кои трошат многу малку енергија, а исто така постојат и хималајски свеќници кои функционираат со едноставно поставување на свеќа во нив.

Одбирање и сместување на вашата хималајска лампа

Кога станува збор за купување на лампа од хималајска сол, покриеноста се одредува од големината на кристалот. Помалите лампи се добри за една просечна спална соба, додека две лампи може да се потребни за простор како дневна соба или трпезарија. Просечно, 1 кг кристал ќе исчисти простор од приближно 3 м².
Ако не можете да најдете една доволно голема лампа за една соба, имајте во предвид дека можете да користите повеќе лампи кои ќе ги распоредите наоколу и ќе го имаат истиот ефект.
Препорачливо е да имате домашна колекција од овие убави светилки. Почнете со купување на лампа во соодветна големина за оној простор каде поминувате најголем дел од времето, потоа продолжете со собите каде има многу електрични уреди и завршете ја вашата колекција со лампи за простор кој не е толку користен.
За разновидност, можете да размислите и за додавање на свеќници направени од хималајска сол во вашата колекција како преносни прочистувачи на воздухот кои може да ги пренесувате насекаде во вашиот дом.
Запамтете, кристалите од хималајска сол ќе започнат да кондензираат влага доколку подолго време се изложени на висока влажност или ниска температура. Поради оваа причина, внимавајте на лампи кои се сместени во близина на извор на пареа како машини за садови, машини за алишта или тушеви, како и на лампи поставени во простории во кои температурите паѓаат многу ниско. Едноставно, поставете крпа или сад под нив, за да ја заштите подлогата од мокрење.
Исто така, како што беше претходно спомнато, почувствувањето на резултатите од генерирањето на негативни јони може да потрае цела недела, па не се откажувајте ако веднаш не почувствувате подобрување.

Кристалите од хималајска сол се хигроскопни (имаат својство да апсорбираат вода или влага од околината). Оттука, лампите од кристална сол треба да се користат во суви простории. Во случај на зголемена влажност, на пример, за време на дожд, лампите од хималајска сол треба да се вклучени. Топлината која се испушта од сијалицата која е во лампата ги загрева кристалите сол и помага водените честички да испарат на надворешната површина. Ако планирате да ја чувате лампата од хималајска сол подолг временски период во влажна средина (на пример, гаража, поткровје, визба итн.) ставете ја во пластично ќесе и залепете ја убаво со селотејп.
Исто така, пожелно е да се придржувате кон одредени упатства кога ги користите лампите во канцеларија или во соба.
Прво, ако се случи кондензација на надворешната површина, капењето на водата може да ја оштети површината на лампата (на пр. обезбојување, да се појават меурчиња на дрвената површина итн.) Кога ја ставате лампата на површина која може да се оштети (антички или канцелариски мебел) треба дополнително да ја заштитите површината со гумена или плутена основа или, пак, чинија за да се слива кондензираната вода. Овде, повторно, добар начин за да се исуши лампата е да се вклучи.
Второ, ако лампата е во место каде си играат деца или кучиња, НЕ ТРЕБА да се става на работ од мебелот или, пак, електричниот кабел да е достапен на дофат на децата. Лампата треба да биде поставена на начин што ја спречува веројатноста на пад од висина и да предизвика повреда на детето или миленичето.
Ако лампата од хималајска сол има влага одвнатре, треба веднаш да се извади електричниот кабел од напојување. Земете ја основата на сијалицата и испитајте ја влажноста. Ако основата е влажна, ставете ја на суво и топло место. Избришете ја лампата со памучна крпа додека не се отстрани влажноста. Следете ја влажноста на основата и на лампата и повторно склопете ја за неколку часа.
Треба да ги следите овие упатства кога ја менувате сијалицата од лампата:

1. Извадете го електричниот кабел од напојување.
2. Свртете ја лампата наопаку за да ја видите основата на сијалицата.
3. Фатете го долниот, видлив дел од основата на сијалицата и нежно повлечете надолу (не влечете го кабелот освен ако не е неопходно).
4. Потоа, откога ќе ги видите двете метални штипки, притиснете ги, убаво фатете ги со дланка и полека повлечете ја основата од лежиштето. Внимавајте да не ги отпуштите пребрзо металните штипки бидејќи може да се повредите.
5. Заменете ја сијалицата.
6. Откако ќе ја замените сијалицата, фатете ги убаво двете метални штипки, соберете ги за да ги собере во лежиштето и внесете ја сијалицата во лежиштето од лампата.

Понекогаш, домашните миленичиња (најчесто кучиња) инстинктивно ја лижат лампата за да ги надоместат минералите во нивното тело. Лампите од хималајска сол не се наменети за јадење, но не се штетни по здравјето затоа што се направени од 100% природна сол.

НЕ ЈА ОСТАВАЈТЕ ЛАМПАТА ВКЛУЧЕНА БЕЗ НАДЗОР!
НЕ ЈА СМЕСТУВАЈТЕ ЛАМПАТА ВО БЛИЗИНА НА ВОДА!
НЕ ЈА ВКЛУЧУВАЈТЕ/ИСКЛУЧУВАЈТЕ ЛАМПАТА СО ВЛАЖНИ РАЦЕ!
ЧУВАЈТЕ ЈА НА СУВО И ТОПЛО МЕСТО СЕКОГАШ КОГА Е ВОЗМОЖНО!

Посилен имунитет на природен начин

Активен Органски Германиум

Силен антиоксиданс за максимална заштита на Вашите клетки

Повеќе...

• Додадете 84 есенцијални минерали во секој оброк со распрснување на хималајска кристална сол.
• Засилете го вкусот на кое било јадење без уништување на природните ароми.
• Користете помалку сол без компромитирање на вкусот намалувајќи ја тенденцијата од пресолување на храната.
• Признаена како најистакната сол во кулинарската уметност!

Фино гранулирана
Поголемите парчиња кристали рачно се кршат на малечки кристалчиња кои се доволно мали да се користат во соларка. Блескавата розеникаво обоена сол ги има сите природни карактеристики на првобитните кристални парчиња од кои е направена. Има карактеристичен „жив“ вкус кој е природно вкусен.

Грубо гранулирана
Совршена за оние кои претпочитаат да ја мелат сами солта. Рачно искршена од поголемите парчиња, овие блескави кристали се и визуелен и кулинарски зачин за секој оброк.

Неверојатни здравствени придобивки од хималајската сол
Солта е есенцијална за животот – не можете да живеете без неа. Меѓутоа, повеќето луѓе едноставно не сфаќаат дека има огромни разлики помеѓу стандардната рафинирана сол за готвење, на која се навикнати повеќето луѓе и користењето на здрава природна сол.
Вашата стандардна сол, всушност е 97.5% натриум хлорид и 2.5% хемикалии како апсорбенти за влага и јод. Сушена на над 650º С, вишокот топлина ја менува природната хемиска структура на солта предизвикувајќи потенцијална опасност за безброј проблеми во вашето тело. Ако сакате вашето тело да функционира правилно треба да користите сол со сите природни елементи.
Најчестата сол е направена од хемикалии кои го загадуваат вашето тело. Чистите кристали од хималајска сол содржат 84 минерали во траги и елементи неопходни за оптимално здравје, а не содржи токсини.
Бидејќи содржи 84 минерали во траги и елементи кои му се неопходни на нашето телото, придобивките од природната хималајска кристална сол можат да бидат следниве:

• Регулирање на количината на вода во телото.
• Балансирање на вишокот киселост од вашите клетки, посебно од мозочните клетки.
• Помага во генерирањето на хидроелектричната енергија во клетките од вашето тело.
• Подобрена апсорпција на парчињата храна во вашиот интестинален тракт.
• Помага во чистењето на слузните наслаги од вашите бели дробови – посебно корисно кај астмата и цистичната фиброза.
• Дејствува како силен антихистамин и помага во чистењето на наслагите во вашите синуси.
• Превенција на грчеви во мускулите.
• Ја прави цврста структурата на вашите коски – остеопорозата може да се појави кога на вашето тело му е потребно повеќе сол која ја зема од вашите коски.
• Регулирање на вашиот сон – таа е природен хипнотик.
• Одржување на вашето либидо.
• Спречување на проширени вени и испукани капилари на вашите нозе и бедра.
• Воспоставување на правилно срцебиење – во комбинација со водата, таа всушност е есенцијална за регулација на вашиот крвен притисок.

Широкиот спектар на елементи во хималајската сол формираат соединение во кое секој молекул е поврзан меѓу себе. Поврзаноста овозможува вибрационите компоненти на 84-те минерали во трагови и елементите присутни во солта да бидат во хармонија меѓусебе и да го засилат балансирачкиот ефект на солта. Кога станува збор за холистичката моќ на природната сол, ниедна друга не може да се споредува со хималајската кристална сол еве зашто:

• Таа е од највисокиот степен на природна сол.
• Под електронски микроскоп, кристалната сол има совршена кристална структура.
• Се вади и мие рачно.
• Кристалната сол е имуна на електромагнетното поле.
• Кристалната сол не содржи околински загадувачи.
• Нема ограничен рок на употреба.

Кристална споредба на солта
Што ни кажуваат овие зголемувања од 40х?

	Обична сол Лишена од сите природни елементи преку индустриската обработка, резултатот е само натриум хлорид. Неприродните кристали се изолирани меѓусебе и се мртви. Со цел телото да ги метаболизира овие кристали, мора да жртвува огромна количина од резервите на својата енергија. Овој резултат е штетна загуба и нула добивка. Наслагите од сол во нашето тело изгледаат слично со оние на оваа фотографија, изолирани и мртви.
	Морска сол Голем процент од морската сол денес е обработена. Како што океаните стануваат сè позагадени, оваа сол е далеку од идеална. Составена е од неправилни и изолирани кристални структури, непозрзана со природните елементи околу нив. Како последица од ова, виталните минерали, колку многу и да ги содржи, не можат да бидат апсорбирани од телото освен ако телото не потроши огромна енергија да ги витализира. Нето добивката е мала со уште поголема загуба на енергија.
	Хималајска кристална сол Балансираната кристална структура открива фино разгранување без сенки или груби рабови. Кристалот не е изолиран од неразделивите минерални елементи (84), туку е поврзан со нив во хармонична состојба. Ова ни кажува дека енергетскиот состав, во форма на минерали, е балансиран и може лесно да биде метаболизиран од телото. Резултатот е нето добивка за телото и нула загуба на енергија.